Vrasje, drogë dhe vjedhje – ekstradohen tre “të rrezikshmit” shqiptarë

Vrasje, drogë dhe vjedhje – ekstradohen tre “të rrezikshmit” shqiptarë

Interpol Tirana ka ekstraduar tre shtetas shqiptarë për vepra të ndryshme penale si vrasje, vjedhje dhe kultivim bimësh narkotike.

Si rezultat i bashkëpunimit të Interpol Tirana me Interpol Wiesbaden, u bë i mundur arrestimi dhe ekstradimi nga Gjermania drejt Shqipërisë  i të dënuarit, shtetasit shqiptar, Ilir Kapllanaj, 49 vjeçar, banues në Fier.

Ky shtetas ishte i shpallur në kërkim ndërkombëtar, pasi Gjykata e Rrethit Gjyqësor e kishte dënuar me 23 vjet burgim për veprën penale, “Vrasje me paramendim kryer në bashkëpunim “.

Kapllanaja në bashkëpunim me tre shtetas të tjerë, më 25 shkurt 2000, kanë vrarë me armë zjarri shtetasin G.L, banues në Patos.

Po si rezultat i bashkëpunimit të Interpol Tiranës me Interpol Romën, u bë i mundur arrestimi në Itali duke u finalizuar me ekstradimin e shtetasit G.L, 28 vjeç, banues në Tropojë.

Shtetasi G.L, ishte shpallur në kërkim ndërkombëtar pasi Gjykata e Rrethit Gjyqësor Tiranë e ka dënuar këtë shtetas me 1 vit e 4 muaj muaj burg për veprën penale “Kundërshtim i punonjësit të policisë së rendit publik, duke ushtruar dhunë fizike, kryer në bashkëpunim”. Po këtë shtetas Gjykata e Rrethit Gjyqësor Tiranë e ka dënuar shtetasin G.L , me 4 vjet burg, për veprën penale “Vjedhje, e kryer në bashkëpunim”.

Gjithashtu falë bashkëpunimit të Interpol Tirana me Interpol Romën/Itali, u bë i mundur arrestimi në Itali, duke u finalizuar me ekstradimin drejt vendit tonë, i shtetasit R. R., 54 vjeç, banues në Vlorë. Shtetasi R. R. ishte i shpallur në kërkim ndërkombëtar nga Z.Q.K Interpol Tirana, pasi Gjykata e Shkallës së Parë për Krimet e Rënda Tiranë, ka vendosur masën e sigurisë arrest me burg për veprën penale “Grupit të Strukturuar Kriminal” dhe “Kultivimit të bimëve narkotike”. /balkanweb/

TAGS